Trump hjólar í Meghan og Harry
Setja bókamerki
Tengdar fréttir
Kóngafólk
Donald Trump Bandaríkjaforseti hjólaði í Meghan hertogaynju af Sussex og Harry Bretaprins eftir að þau hvöttu fólk í Bandaríkjunum til þess að skrá sig á kjörskrá á þriðjudaginn.
Trump var spurður út hvað honum fyndist um að Meghan og Harry væru að hvetja til þess að „fólk kysi Joe Biden“ á blaðamannafundi á miðvikudag. „Ég er ekki aðdáandi hennar og ég myndi orða þetta svona, og hún hefur líklegast heyrt þetta áður, ég óska Harry góðs gengis, því hann þarf á því að halda,“ sagði Trump.
Harry og Meghan hafa ekki hvatt til þess að fólk kjósi einn frambjóðenda í forsetakosningunum í Bandaríkjunum fram yfir annan. Prinsinn hvatti til þess að tilvonandi kjósendur myndu „hafna hatursorðræðu, misvísandi upplýsingum og neikvæðni í netheimum“ í ræðu sinni á þriðjudag.
Meðlimir bresku konungsfjölskyldunnar hafa hefðinni samkvæmt ekki sagt neitt opinberlega um kosningar eða stjórnmál, hvort sem það sé í sínu heimalandi eða öðru landi. Harry og Meghan sögðu skilið við bresku krúnuna í upphafi árs 2020 en samt sem áður þykir athyglisvert að þau láti stjórnmálin sig varða.
The Times leitaði eftir viðbrögðum frá Buckinghamhöll í vikunni og fengu þau svör að orð Harrys væru persónuleg.
„Hertoginn vinnur ekki fyrir konungsfjölskylduna og allt það sem hann kann að gefa út er persónulegt,“ sagði í tilkynningu frá bresku konungsfjölskyldunni.
Tengdar fréttir
Kóngafólk
„Hann skók húsið aðeins“
„Staðan er grafalvarleg“
Leit frestað: Engar vísbendingar
Tengsl við undirheima ekki hluti af rannsókninni
/frimg/1/50/8/1500878.jpg)
Yazan verður ekki fluttur úr landi
Telur ekki að gjá sé að myndast innan flokksins
/frimg/1/51/65/1516515.jpg)
Sigrún og Gestur forstjórar nýrra stofnana
Vaxtahækkanir flýti fyrir því að þenslan minnki