Drottningin grímulaus í fyrstu heimsókn

Elísabet II Englandsdrottning fór í sína fyrstu opinberu heimsókn í langan tíma á fimmtudaginn síðasta. Drottningin og sonarsonur hennar Vilhjálmur Bretaprins heimsóttu rannsóknarstöðina Defence Science and Technology í Porton Down á Suðvestur-Englandi.

Athygli vakti að hvorki drottninginn né prinsinn báru andlitsgrímu en bresk stjórnvöld hafa gefið út þau tilmæli að bera skuli grímu innandyra þar sem erfitt er að halda nándartakmörkunum.

Vilhjálmur Bretaprins og eiginkona hans Katrín hertogaynja hafa verið við störf í nokkra mánuði og iðulega borið andlitsgrímu í heimsóknum.

Buckinghamhöll sagði í tilkynningu að drottningin hefði tekið þá ákvörðun að vera ekki með grímu eftir að hafa ráðfært sig við lækna sína og vísindamenn í Port Down-rannsóknarstöðinni. 

Drottningin var í einangrun ásamt eiginmanni sínum, Filippusi hertoga af Edinborg, á meðan útgöngubann var í Bretlandi. Hún er snúin aftur til starfa í London eftir sumarfrí í Skotlandi en hefur farið í opinberar heimsóknir rafrænt.

mbl.is

Bloggað um fréttina

Stjörnuspá »

Hrútur

Sign icon Það er ekkert vit í öðru en að hafa alla hluti á þurru þegar taka þarf ákvörðun í mikilvægu máli. Gættu þess þó að vera ekki of aðgangsharður við aðra.

Stjörnuspá »

Hrútur

Sign icon Það er ekkert vit í öðru en að hafa alla hluti á þurru þegar taka þarf ákvörðun í mikilvægu máli. Gættu þess þó að vera ekki of aðgangsharður við aðra.