Mette Frederiksen forsætisráðherra Danmerkur hætti með stuttum fyrirvara við heimsókn til Margrétar Þórhildar Danadrottningar í Amelienborg. Ástæðan er smit í fjölskyldu forsætisráðherrans.
Frederiksen ætlaði að kynna drottningu fyrir breytingum á ríkisstjórn sinni. Fundurinn átti að fara fram klukkan 11 en rétt fyrir fundinn fékk Frederiksen þau tíðindi að ein manneskja í fjölskyldu hennar hefði greinst með kórónuveiruna að því fram kemur á vef Jyllands-Posten.
Frederiksen fer í sýnatöku í dag og kynnir drottningu breytingar á ríkisstjórninni símleiðis síðar í dag.