Faðir Spears fær ekki fulla stjórn aftur
Setja bókamerki
Dómari í Los Angeles vísaði á bug mótmælum Jamies Spears, föður tónlistarkonunnar Britney Spears, gegn því að Bessemer-sjóðurinn tæki við helmingsábyrgð yfir fjármálum dóttur hans. Lögmenn feðginanna hafa tekist á um lögráðamannsmál tónlistarkonunnar fyrir dómara undanfarna mánuði.
Á stöðufundi hjá dómara í gær var það niðurstaðan að Jamie myndi ekki endurheimta full völd yfir fjármunum dóttur sinnar. Dómari hafði á síðasta ári skipað fjármálafyrirtækið Bessimer yfir fjármál hennar ásamt Jamie.
Jamie hefur verið lögráðamaður dóttur sinnar í að verða þrettán ár. Hann hefur ráðið ferðinni hvað varðar fjármál hennar, tónlistarferil og allt hennar persónulega líf. Lögmaður Britney fór fram á það við dómara á síðasta ári að Jamie fengi ekki að halda áfram að vera lögráðamaður Britney en hafði ekki erindi sem erfiði.
Á föstudag fyrir viku kom út heimildamynd um lögráðamannsmál Britney Spears. Heimildamyndin hefur vakið mikla athygli og endurvakið hreyfinguna #FreeBritney sem berst fyrir því að Britney verði sjálfráða á ný.
Gígbarmurinn hækkað frá því í gær
Strand skemmtiferðaskips kallar á erlenda aðstoð
Þyngri refsing fyrir að nauðga stjúpdóttur æskuvinar
/frimg/1/29/32/1293273.jpg)
Ekki af baki dottinn og ætlar að opna B5 aftur
Skaut sex sinnum að feðginum á aðfangadagskvöld
Telur forsendur fyrir vaxtalækkun
Banna mengandi búnað sem leyfður er á Íslandi