Leikarinn Dax Shepard deildi nektarmynd af eiginkonu sinni Kristen Bell á mæðradaginn í ár. Á sunnudaginn birti hann mynd af henni nakinni að gera jóga úti í sólinni.
„Móðurhlutverkið hefur breyst síðan ég var krakki, og ég er til í það. Sjáið þetta eintak: góð, þolinmóð, bráðfyndin, hæfileikarík, örlát, hörð og mjúk. Ég og stelpurnar unnum í mömmulottóinu. Við erum svo þakklát og svo ástfangin af þér,“ skrifaði Shepard.
Bell og Shepard hafa verið gift síðan 2013 og eiga tvær dætur saman, þær Lincoln og Deltu sem eru 8 og 6 ára.