Leikkonan Courteney Cox úr sjónvarpsþáttunum Vinum spurði 17 ára gamla dóttur sína hvort hún myndi fara á stefnumót með ungum Joey eða ungum Chandler. Spurningin var hluti af leik á Instgram þar sem mæðgurnar reyndu að giska á hversu vel þær þekktu hvor aðra.
Spurningin var bónusspurning í lokin. Cox giskaði á að dóttur sín kysi frekar að fara á stefnumót með Joey sem Matt LeBlanc lék. „Rétt,“ svaraði Coco dóttir hennar. Persóna Cox í í Vinum, Monica, var hins vegar gift Chandler sem Matthew Perry túlkaði eftirminnilega.
Mæðgurnar eru ansi nánar og í leiknum kom í ljós að þær þekkja hvor aðra nokkuð vel. „Ég þekki Coco greinilega betur en hún þekkir mig,“ sagði Cox í lokin. „Það er ekki rétt en það skiptir ekki máli,“ svaraði Coco.