Wendy Williams lögð inn á sjúkrahús

Bandaríska sjónvarpskonan Wendy Williams var lögð inn á sjúkrahús í síðustu viku vegna andlegra veikinda.

Síðastliðið ár hefur reynst sjónvarpskonunni ansi þungbært. Hún skildi við eiginmann sinn til 20 ára, Kevin Hunter, eftir að upp komst um framhjáhald hans og stuttu síðar missti hún mömmu sína, Shirley Williams.

Haft er eftir talsmanni Beth Israel sjúkrahússins í Boston að Williams sé að bera þunga bagga á herðum sér.

„Það er mikið á hennar könnu og hún á ekki marga að,“ er haft eftir talsmanninum í viðtali við The Sun.  

Ekki nóg með að Williams sé nú að berjast við langvinn andleg veikindi þá hefur hún einnig greinst jákvæð fyrir kórónuveirunni. Framleiðendur sjónvarpsþáttanna The Wendy Williams Show hafa sent frá sér tilkynningu og sagt að þrettánda þáttaröð spjallþáttanna frestist um nokkrar vikur. Binda þeir vonir við að Williams verði orðin heilsuhraust í byrjun október svo hægt sé að hefja sýningar nýrrar þáttaraðar fjórða þess mánaðar.

• Blogga um frétt