Margrét Þórhildur Danadrottning fagnar nú 50 ára krýningarafmæli en hún tók við sem drottning árið 1972 eftir andlát föður síns, Friðriks níunda Danakonungs. 

Margrét Þórhildur fæddist 16. apríl 1940 og átti í fyrstu ekki tilkall til krúnunnar enda voru aðeins karlmenn löglegir erfingjar hennar. Lögunum var hins vegar breytt og hún varð drottning 1972.

Við krýninguna sagði hún mikla ábyrgð hvíla á herðum sér. „Þeim skyldum sem faðir minn bar á herðum sér í um 25 ár hvíla nú á mínum herðum. Ég bið til Guðs að hjálpa mér og veita mér styrk til þess að standa undir þessari þungu arfleið.“

Margrét Þórhildur er önnur konan sem gegnt hefur stöðu þjóðhöfðingja Danmerkur en Margrét I Danadrottning ríkti á árunum 1375-1387. Margrét Þórhildur hefur verið vel liðin og farsæl í starfi.

Hátíðarhöldin í tilefni krýningarafmælisins verða mjög lágstemmd að þessu sinni vegna kórónuveirufaraldursins en gert er ráð fyrir frekari viðburðum þegar líður á árið. Drottningin hóf daginn á að minnast föður síns í Hróarskeldu dómkirkjunni þar sem hann liggur grafinn. Þá var henni fagnað á danska þinginu.