Skráði sig á stefnumótasíðu „mjúka fólksins“

Zayn Malik er fyrrverandi liðsmaður strákabandsins One Direction.
Zayn Malik er fyrrverandi liðsmaður strákabandsins One Direction. AFP

Tónlistarmaðurinn Zayn Malik skráði sig nýverið á stefnumótasíðu sem ætluð er einhleypum einstaklingum með mjúkar líkamslínur. Malik ætlar sér greinilega ekki að leita í sama far og áður en aðeins eru þrír mánuðir síðan flosnaði upp úr ástarsambandi hans og ofurfyrirsætunnar Gigi Hadid.

Skráning Maliks á stefnumótasíðuna WooPlus hefur vakið mikla athygli því hann getur varla talist mjög þrekvaxinn maður líkt og skilyrðin eru fyrir skráningu. WooPlus notast við sérstakan andlitsskanna til að sannreyna andlitsfall notenda. 

Samkvæmt frétt frá Daily Mail hefur myndskeið af Zayn Malik farið um eins og eldur í sinu síðustu daga þar sem hann sést fúlskeggjaður og óklipptur við innskráningarglugga WooPlus. Malik gengur undir nafninu Zed á stefnumótasíðunni og hefur skráð staðsetningu sína í Ottaville, Philadelphia í Pennsylvaníu.

Þau Zayn Malik og Gigi Hadid áttu í ástarsambandi í rúm sex ár áður en neistinn slokknaði. Þá eiga þau saman 16 mánaða gamla dóttur, Khai. 

mbl.is

Stjörnuspá »

Hrútur

Sign icon Þér finnst þú getað fengið alla á þitt band og að þú sért við stjórnvölinn í þínu lifi. Gefðu þér því góðan tíma til þess að velta framtíðinni fyrir þér.

Stjörnuspá »

Hrútur

Sign icon Þér finnst þú getað fengið alla á þitt band og að þú sért við stjórnvölinn í þínu lifi. Gefðu þér því góðan tíma til þess að velta framtíðinni fyrir þér.