Hljómsveitin Pearl Jam hefur neyðst til þess að aflýsa tónleikum sínum í Las Vegas og Sacramento í Bandaríkjunum. Ástæðan er að bæði trommuleikari sveitarinnar, Matt Cameron, og bassaleikarinn Jeff Ament eru smitaðir af kórónuveirunni.
Sveitin greindi frá þessu í tilkynningu í gær.
Cameron greindist í síðustu viku en sveitin spilaði samt sem áður í Oakland með hjálp trommuleikarans Dave Krusen.