Í dag eru fyrstu tónleikar hljómsveitarinnar ABBA í rúmlega fjörtíu ár en tónleikarnir eru þó ekki með hefðbundnum hætti þar sem þeir verða í formi sýndarveruleikatónleika.
Agnetha, Anni-Frid, Benny og Björn munu koma fram í líki svokallaðra „ABBA-tara" og syngja sín vinsælustu lög við undirleik tíu manna hljómsveitar.
Þau komu öll saman opinberlega í fyrsta skipti í 14 ár í gær við frumsýningu tónleikanna í Lundúnum í Bretlandi.
Vinna við tónleikana hefur staðið yfir síðan árið 2016 og verða þeir í Lundúnum sjö daga vikunar fram í desember. Þá verður farið í tónleikaferð um heiminn sem stendur allt til ársins 2026.
„ABBA hefur aldrei yfirgefið okkur, það hvílir í hjarta mínu,“ sagði Agnetha við blaðamann BBC á frumsýningunni.
„Ég hef dreymt um þetta í mörg ár. Við elskum tónlistina okkar, við elskum að syngja,“ sagði Anni-Frid.
Karl Gústaf, konungur Svíþjóðar, og eiginkona hans Sylvía voru einnig viðstödd frumsýninguna.