Opinberar ástina á samfélagsmiðlum
Setja bókamerki
Leikkonan Demi Moore deildi í fyrsta sinn mynd af sér og nýja kærastanum, veitingamanninum Daniel Humm, á samfélagsmiðilinn Instagram á dögunum.
Af myndinni af dæma virðist Moore skemmta sér afar vel í faðmi Humms en hún var eitt stórt sólskinsbros í framan. Er þetta fyrsta myndin sem birtist opinberlega af turtildúfunum. Greint var frá því í apríl að Moore og Humm væru farin að stinga saman nefjum en staðfesting þess efnis hafði aldrei borist fyrr en nú.
/frimg/9/71/971768.jpg)
Parið var mætt til að hvetja tennisleikarann Rafael Nadal áfram í úrslitaleik Opna franska meistaramótsins þar sem hann bar sigur úr býtum í 14. sinn. Sjónarvottar sögðu þau Moore og Humm hafa haldist í hendur þegar þau mættu á leikvanginn en með þeim í för var hundur Moore, sem heitir Pilaf. Fréttamiðillinn People greindi frá.
Moore á þrjú hjónabönd að baki og aldrei að vita hvort til þess komi að hún gangi í það heilaga í fjórða sinn á næstunni. Á árunum 1980-1985 var hún gift Freddy Moore. Tveimur árum síðar gekk hún að eiga stórleikarann Bruce Willis og voru þau gift til ársins 2000. Árið 2005 gekk leikarinn Aston Kutcher inn í líf Moore en upp úr hjónabandi þeirra slitnaði árið 2013.
Hvorki sést áður hér á landi né annars staðar
Banna mengandi búnað sem leyfður er á Íslandi
Væri að ljúga ef ég segðist ekki stressaður
Strand skemmtiferðaskips kallar á erlenda aðstoð
Mál hjúkrunarfræðingsins fer aftur fyrir héraðsdóm
Frambjóðendur skila inn listum í Hörpu
Krefjast stöðvunar framkvæmda
Nemendur í HÍ reistu tjaldbúðir án leyfis