Danadrottning tjáir sig um ákvörðun sína

Margrét Þórhildur Danadrottning segist hafa vanmetið hversu þungbær ákvörðun sín um að börn Jóakims Danaprins missi titla sína á nýju ári sem prinsar og prinsessur yrði á Jóakim og fjölskyldu hans.

Þetta kemur fram í tilkynningu frá dönsku konungshöllinni í dag. Í tilkynningunni segir að ákvörðunin hafi veriðí bígerð lengi og segir Danadrottning í téðri tilkynningu að það sé skylda hennar og vilji sem drottning að sjá til þess að konungsveldið móti sig ávallt í takt við tímann.

Frétt af mbl.is

Börn Jóakims ekki prinsar og prinsessur

Frétt af mbl.is

Jóakim miður sín yfir ákvörðun drottningar

„Stundum þýðir það að erfiðar ákvarðanir verða að vera teknar og það er alltaf erfitt að finna rétta tímann,“ segir í tilkynningunni.

Margrét kveðst harma það að fjölskylda Jóakims finnist ákvörðunin þungbær. Fram kemur í tilkynningunni að enginn ætti að draga það í efa að börn hennar, tengdadætur og barnabörn séu gleði hennar og stolt.

„Nú vona ég að við sem fjölskylda getum fundið frið til að geta unnið okkur í gegnum þessar aðstæður,“ segir í lokin.

• Blogga um frétt