Tish Cyrus, móðir söngkonunnar Miley Cyrus, er komin með nýjan kærasta. Sá heppni er kunnugur aðdáendum þáttanna Prison Break, leikarinn Dominic Purcell.
Cyrus frumsýndi kærastann á Instagram á sunnudag, en þá var stutt síðan fyrrverandi eiginmaður hennar Billy Ray Cyrus tilkynnti að hann væri trúlofaður áströlsku söngkonunni Firerose.
Cyrus-hjónin voru gift í 28 ár en tvö ár eru síðan þau skildu. Þau eiga þrjú börn saman, Miley, Braison og Noah. Tish átti tvö börn fyrir, Brandi og Trace. Purcell var áður kvæntur Rebeccu Williams og á með henni fjögur börn, Joseph, Audrey og tvíburana Lily og Augustus.
Hún er 55 ára en Purcell er þremur árum yngri 52 ára.