Leikkonan Kristie Alley lést úr ristilkrabbameini. Alley lést á mánudag 71 árs að aldri. Hún hafði nýlega greinst með krabbameinið og háði stutta baráttu við það.
Umboðsmaður leikkonunnar greindi frá banameini hennar, en börn hennar True og Lillie Parker greindu frá andláti móður sinnar á mánudag.
Leikkonan var þekktust fyrir hlutverk sitt sem Rebecca Howe í gamanþáttunum Staupasteini eða Cheers en hún hlaut Emmy-verðlaun fyrir frammistöðu sína í þeim þáttum.
Þá er hún einnig þekkt fyrir að hafa leikið í kvikmyndinni David's Mother og rómantísku gamanmyndinni Look Who's Talking.
Ristilkrabbamein er þriðja algengasta krabbameinið í heiminum á eftir lungnakrabbameini og brjóstakrabbameini.