Þó bandaríski stórleikarinn, hinn 48 ára gamli Leonardo DiCaprio, sé vanalega með sér mikið yngri konum þá er hann ekki í sambandi með hinni 19 ára gömlu fyrirsætu Eden Polani. DiCaprio og Polani sáust saman í útgáfupartí móður hennar, RIley Montana, í janúar og fóru sögur á kreik að þau ættu nú í ástarsambandi.
Heimildamaður People segir DiCaprio og Polani ekki vera í sambandi. „Leo og Eden sátu bara hlið við hlið fyrir tilviljun í partíinu. Og þau eyddu tíma með sama fólkinu. Þó Leo tali við eða sitji með stúlku, þýðir það ekki að þau séu í ástarsambandi,“ sagði heimildarmaðurinn.
DiCaprio er einhleypur og hefur verið síðan síðasta sumar. Í vetur er hann sagður hafa verið að slá sér upp með hinni 23 ára gömlu leikkonu Victoria Lamas.