Nafnalekinn veldur fjaðrafoki hjá konungsfjölskyldunni
Setja bókamerki
Bókin Endgame eftir Omid Scobie sem fjallar um bresku konungsfjölskylduna hefur valdið fjaðrafoki í Bretlandi. Í hollenskri þýðingu kemur fram hver það var sem hafði áhyggjur af hörundslit frumburðar hertogahjónanna Harry og Meghan. Efast er um sannleiksgildi bókarinnar.
Meghan greindi frá áhyggjum innan konungsfjölskyldunnar af hörundslit Archies, syni Meghan og Harrys í viðtali við Opruh Winfrey árið 2021. Faðir Meghan er hvítur en móðir hennar svört. Hjónin vildu þó ekki greina frá því hver viðraði áhyggjurnar. Í nýju bókinni kemur fram að tveir aðilar hafi haft áhyggjur.
Í bókinni eru nöfn ekki nefnd frekar en áður, nema í hollensku útgáfunni sem hefur nú verið tekin úr sölu. „Villa var gerð í hollensku útgáfunni og er nú verið að laga hana,“ segir Anke Roelen hjá útgáfufyrirtækinu að því fram kemur á BBC. Ekki er um þýðingavillu heldur er eins og að nöfnum fólks hafi verið bætt við. Scobie segir hann aldrei hafa skrifað inn nöfn.
Hver var það?
Fjölmiðlamaðurinn Piers Morgan dregur í efa sannleiksgildi bókarinnar og trúverðugleika Omid Scobie. Hann ákvað hins vegar að nefna nöfnin sem nefnd eru í hollensku útgáfunni. Hann segir fyrst þá hægt að eiga samræður um kynþáttafordóma innan bresku konungsfjölskyldunnar. Hann segir nöfnin í hollensku þýðingunni vera Karl konung og Katrínu prinsessu af Wales.
Fjölskyldan metur stöðuna
Á vef Daily Mail kemur fram að breska konungsfjölskyldan sé að skoða hvað hún getur gert, þetta eru skoðanir þeirra sem þekkja til fjölskyldunnar en líka sérfræðinga. Er fjölskyldan sögð vera að skoða „alla möguleika“ eftir að nöfnin láku á samfélagsmiðla. Núna er hins vegar Karl konungur staddur á COP28 loftlagsráðstefnunni í Dúbaí.
Hefur meðal annars verið talað við lögfræðinga og er Harry og Meghan ráðlagt að fara í mál við höfundinn Omid Scobie.
Segir PISA-niðurstöðurnar endurspegla menntakerfið
„Þú ert bara orðin miðaldra kona“
Kerfið féll á prófinu
Ísland orðið of dýrt
Fjöldi tungumála áskorun
/frimg/1/50/63/1506351.jpg)
Halla komin „á hálan ís“ í auglýsingu Brimborgar
Sláandi tölur kalla á djúpa greiningu