„Þessi tónlist er að koma Íslandi á kortið á algerlega nýjan hátt“
Setja bókamerki
Tengdar fréttir
Poppkúltúr
Laufey Lín Jónsdóttir er sá íslenski tónlistarmaður sem hefur átt flest streymi á tónlistarveitunni Spotify, það er utan landssteinanna. Hún hefur haft nóg að gera á árinu eftir að lag hennar From The Start sló í gegn. Laufey er með tæplega 15 milljónir hlustenda á streymisveitunni í hverjum mánuði og lagið From The Start hefur fengið hartnær 200 milljón hlustanir á Spotify frá því það kom út.
Laufey er á sannkallaðri sigurför um heiminn. Tónleikaferðalag hennar hefur gengið vonum framar og var hún nýverið tilnefnd til Grammy-verðlauna í flokki hefðbundinna poppplatna (e. Traditional Pop Vocal Album) fyrir aðra plötu sína Bewitched, sem kom út fyrr á þessu ári.
„Það hefur verið stórkostlegt að fylgjast með ferðalagi Laufeyjar á alþjóðasviðinu, þar sem hún blandar saman ólíkum tónlistarstefnum fyrir nýjan hóp hlustenda. Þessi tónlist er að koma Íslandi á kortið á algerlega nýjan hátt,“ segir Emma Vikström hjá Spotify, en streymisveitan opinberaði ársuppgjörslista sinn á miðvikudag.
Tengdar fréttir
Poppkúltúr
Skipulagði aðgerðir fyrir Ólympíuleikana
„Þú ert bara orðin miðaldra kona“
Stafræna byltingin étur börnin sín
Ísland orðið of dýrt
Afhendir yngri kynslóðum keflið
Myndband: Hnúfubakar komu fjölskyldu á bát á óvart