Íslenskur áhugamaður um pylsur vekur athygli á TikTok
Setja bókamerki
Tengdar fréttir
Poppkúltúr
Adam Helgason, íslenskur áhugamaður um pylsur, birti skemmtilegt myndskeið á samfélagsmiðlinum TikTok á dögunum sem hefur hlotið góða athygli. Í myndskeiðinu ferðast hann á milli sjoppa og söluskála, sem allar eiga það sameiginlegt að selja þjóðarrétt Íslendinga, grípur sér pylsu, metur líkindi og ólíkindi þeirra og endar á því að gefa góðgætinu einkunn.
Adam birti myndskeiðið á TikTok fyrir fjórum dögum síðan og þegar þetta er skrifað hafa yfir 52 þúsund manns horft á hann meta íslensku pylsuna. 110 manns hafa einnig skrifað athugasemdir og eru margir sammála um að Adam sé besti og jafnframt harðasti matargagnrýnandi landsins.
Í myndskeiðinu heimsækir hann níu sölustaði og borðar álíka margar, ef ekki fleiri, pylsur. Adam segir besta tilboðið vera í Costco Iceland þar sem ein með öllu og gos kosti aðeins 299 kr. Tröllapylsan hjá Ísbúð Laugalækjar endaði þó á að skora hæst hjá Adam, sem bragðbesta og ljúffengasta pylsan í bænum.
Tengdar fréttir
Poppkúltúr
„Hann var lokaður inni í bátnum“
Mennirnir í haldi lögreglunnar á Suðurnesjum
Fordæmir leyndarhyggju í skólamálum
Myndskeið: Hátt í 140 lömb á tveimur sólarhringum
Um 70 jarðskjálftar í kvikuganginum
Urðu ekki vör við kvikuhlaup
Ástand Ficos stöðugt en „mjög alvarlegt“
Opin fyrir almennri kosningu biskups