Bandaríski leikarinn Michael Cera sló í gegn í auglýsingu fyrir bandaríska húðvörufyrirtækið CeraVe, þekkt fyrir græðandi rakakrem. Auglýsingin var ein af mörgum sem sýnd var í auglýsingahléi Ofurskálarinnar (e. Super Bowl) í nótt, en þær eru sérstaklega útbúnar fyrir stórviðburðinn sem dregur milljónir manna að skjánum á hverju ári.

Auglýsing CeraVe með Cera í aðalhlutverki vakti mikla athygli og umfjöllun á samfélagsmiðlum, þá sérstaklega á TikTok, en um stórsniðugan skrípaleik var að ræða.

„Ég er Michael Cera og það gleður mig að tilkynna ykkur að þetta er kremið mitt,“ segir leikarinn sem reynir allt til að eigna sér heiðurinn af hinni háþróuðu rakaformúlu CeraVe.

Í auglýsingunni sýnir Cera að allt sé hægt með CeraVe, en samkvæmt leikaranum þá nærð þú betri djúpslökun, kemst á áfangastað og upplifir umhverfi þitt draumkenndara en áður með kreminu.

Cera hefur leikið mörg eftirminnileg kvikmyndahlutverk og má þar nefna kvikmyndir á borð við Superbad, Juno og Barbie.

Tengdar fréttir

Instagram

Eva Laufey umvafin sól og sumaryl

• Simmi Vill fékk skemmtilega áskorun frá kærustunni
• Veiðimenn sluppu með skrekkinn
• Fór úr að ofan og skellti á sig kattarkonugrímu
• Sigga Dögg fer sniðugar leiðir til að nýta mat

» Fleiri tengdar fréttir

• Blogga um frétt