Danny Zuko fagnaði sjötugsafmæli sínu
Setja bókamerki
Tengdar fréttir
Poppkúltúr
John Travolta, einn af risum kvikmyndasögunnar, fagnaði sjötugsafmæli sínu í gær, sunnudag. Í tilefni dagsins birti leikarinn myndskeið á Instagram og sýndi frá uppáhalds afmælisgjöf sinni.
Travolta, sem er þekktur fyrir leik sinn í einhverjum af vinsælustu bíómyndum allra tíma, birti myndskeið sem sýnir hinn 13 ára gamla Ben, yngsta barn hans og leikkonunnar Kelly Preston, fljúga niður snævi þaktar brekkur á skíðum og sagði hann það bestu afmælisgjöfina.
„Þetta var uppáhalds afmælisgjöfin. Að sjá son minn skíða líkt og atvinnumann. Ég gæti vart verið stoltari,“ skrifaði Travolta við færsluna.
Leikarinn birti einnig nokkur myndskeið í Instagram Story en þar sést hann blása á afmæliskerti og gæða sér á ljúffengri afmælisköku ásamt vinum og vandamönnum.
Travolta eignaðist þrjú börn með eiginkonu sinni, leikkonunni Kelly Preston. Hjónin misstu elsta son sinn, Jett, árið 2009. Preston lést eftir tveggja ára baráttu við brjóstakrabbamein árið 2020.
Tengdar fréttir
Poppkúltúr
Skimað fyrir kíghósta meðal leikara
„Jæja, Jón forseti bara mættur“
Hafa þurft að stugga við fólki
„Stjórnvöld láti af sjúklegri undirgefni sinni“
Mun ekki framselja vald sitt til Felix
3.800 gígawattsstundir af viðbótarorku árlega
Ríkisfjármálin ósjálfbær þó staðan sé góð
Ræða um rekstrarleyfi til 16 ára