Fyrrverandi barnastjarnan Zachery Ty Bryan, sem margir þekkja úr sjónvarpsþáttaröðinni Home Improvement, var handtekinn aðfaranótt laugardags vegna gruns um akstur undir áhrifum áfengis og/eða fíkniefna. Er þetta í þriðja sinn sem Bryan er handtekinn á aðeins örfáum árum. 

Talsmaður lögreglunnar í La Quinta sagði í samtali við TMZ að lögregluþjónar hefðu stöðvað bifreið sem grunuð var að hafa átt þátt í umferðarslysi á svæðinu. Þegar lögregluþjónar ræddu við ökumann bifreiðarinnar, sem reyndist vera Bryan, þá leit hann út fyrir að vera undir áhrifum og átti í erfiðleikum með að skilja og tjá sig. 

Bryan, sem fór með hlutverk elsta sonar Taylor-hjónanna í vinsælu gamanþáttaröðinni, hefur ekki átt sjö dagana sæla eftir að hann skildi við skemmtanaiðnaðinn.

Í október á síðasta ári var leikarinn dæmdur í sjö daga fangelsi fyrir heimilisofbeldi, áreitni og rán. Er hann enn undir skilorðsbundnum dómi, en Bryan hlaut 36 mánaða skilorðsbundinn dóm ásamt áfengis- og fíknimeðferð. Bryan var einnig handtekinn árið 2020 fyrir líkamsárás, þá gerðist hann sekur um að hafa reynt að kyrkja konu.  

Frétt af mbl.is

Fyrrverandi barnastjarna dæmd í fangelsi

Tengdar fréttir

Poppkúltúr

„Sóli fær ennþá útrás í að gera lítið úr okkur“

• Nýdönsk gefur út nýtt lag
• Leyfir Harris að nota lagið sitt í kosningabaráttunni
• Lopez fagnaði 55 ára afmælinu án Affleck
• Fær 277 milljónir fyrir eitt lag á opnunarhátíð Ólympíuleikanna

» Fleiri tengdar fréttir

• Blogga um frétt