Ewen MacIntosh úr The Office látinn

Leikarinn og grínistinn Ewen MacIntosh, sem er þekktastur fyrir túlkun sína á Keith í gamanþáttunum The Office, er látinn, fimmtugur að aldri.

Umboðsskrifstofan JustRight Management greindi frá andláti MacIntosh og sagði hann hafa verið grínsnilling.

Ekki kemur fram hvernig hann lést, að því er Sky greindi frá. 

Ricky Gervais, höfundur The Office, minntist leikarans á X og lýsti honum sem afar fyndnum og indælum manni.

• Blogga um frétt