Íslenski leikarinn Pétur Óskar Sigurðsson fer með eitt af aðalhlutverkunum í þýsku þáttaröðinni Tatort: Borowski und der Wiedergänger. Þátturinn er með þeim vinsælustu í Þýskalandi.
Pétur Óskar hefur átt mikilli velgengni að fagna að undanförnu í Þýskalandi, en nýverið kláraði hann tökur á sjónvarpsþættinum Hagen.
Tatort: Borowski und der Wiedergänger er 90 mínútna langur sjónvarpsþáttur og líkari kvikmynd í fullri lengd. Hann verður frumsýndur 3. mars næstkomandi á ARD sjónvarpsstöðinni í Þýskalandi. Hátt í tíu milljónir horfa að jafnaði á þáttinn.
Pétur Óskar hefur hlotið mikið lof fyrir frábæra frammistöðu sína. Hann fer með hlutverk heillandi en dularfulls kvennabósa sem giftist inn í vel stæða efri stéttar fjölskyldu í Kiel. Karakter hans mætir fyrirlitningu fyrir nýju tengdafjölskyldu sinni.
Ásamt Pétri Óskari fara þau Axel Milberg, Almila Bagriacik og Cordelia Wege, sem er hvað þekktust fyrir hlutverk sitt í þýsku sjónvarpsþáttunum DARK, með aðalhlutverk.
Tatort: Borowski und der Wiedergänger