Natalie Portman formlega skilin
Setja bókamerki
Leikkonan Natalie Portman og ballettdansarinn Benjamin Millepied eru formlega skilin eftir að dómari í Frakklandi samþykkti skilnað þeirra nýverið. Portman og Millepied eru bæði búsett í Frakklandi, en þau kjósa að ala upp börn sín utan Bandaríkjanna. Tímaritið People greinir frá.
Greint var frá skilnaði hjónanna síðla síðasta sumar, en Portman sótti um lögskilnað stuttu eftir að fregnir af framhjáhaldi Millepied breiddust út eins og eldur í sinu.
Ballettdansarinn var ljósmyndaður ásamt Camille Étinne, 25 ára gömlum umhverfissinna, fyrir utan íbúð hennar í París. Var hann sagður hafa átt í ástarsambandi við Étinne, sem er 21 ári yngri en Millepied, í þó nokkurn tíma.
Portman og Millepied kynntust við gerð kvikmyndarinnar Black Swan árið 2009. Portman hreppti Óskarsverðlaunin fyrir hlutverk sitt í kvikmyndinni og var kasólétt af fyrsta barni parsins þegar hún tók við verðlaununum.
Fyrrverandi hjónin sömdu um sameiginlega forsjá yfir börnum sínum, Aleph og Amaliu.
Tveggja mánaða flandur um Nýja-Sjáland
Þyngri refsing fyrir að nauðga stjúpdóttur æskuvinar
Ólíkt ákall fólks á landsbyggðinni
Hvorki sést áður hér á landi né annars staðar
„Höfum ekki náð að skríða upp úr þeirri gryfju“
Breytingar á skipulagi fréttadeildar RÚV
/frimg/1/29/32/1293273.jpg)
Ekki af baki dottinn og ætlar að opna B5 aftur
Færri nota rafhlaupahjól eftir djammið