Dóttir kántrí-stjörnu handtekin fyrir vændi og ósæmilega hegðun

Dóttir bandarísku kántrí-stjörnunnar Wynonnu Judd, Grace Kelley, hefur formlega verið ákærð fyrir vændi, ósæmilega hegðun og fyrir að óhlýðnast lögreglu við handtöku. Réttarhöldin yfir Kelley, 27 ára, eru áætluð þann 25. apríl næstkomandi. 

Kelley hefur ítrekað komist í kast við lögin, hlotið fjölda dóma og verið inn og út úr fangelsi síðastliðin ár. 

Hún var handtekin þann 5. apríl í Alabama. Kelley er sögð hafa staðið við þjóðveginn, hálfnakin. 

Kelley hélt á skilti sem á stóð „ride for a ride“. Með þeim orðum gaf hún til kynna að hún væri tilbúin að stunda kynlíf með þeim sem gæfi henni bílfar. 

Judd hefur ekki tjáð sig um handtökuna. 

• Blogga um frétt