Kepptust um að birta myndir af Vigdísi
Setja bókamerki
Frú Vigdís Finnbogadóttir, fyrrverandi forseti Íslands, varð 94 ára í gær. Margir forsetaframbjóðendur nýttu tækifærið og óskuðu henni til hamingju með afmælið. Nokkrir frambjóðendur birtu sömuleiðis mynd af sér með henni í tilefni dagsins.
Ásdís Rán Gunnarsdóttir
Ísdrottningin Ásdís Rán Gunnarsdóttir óskaði Vigdísi til hamingju með afmælið. Hún birti samsetta mynd af sér með Vigdísi og benti sérstaklega á að hún og Vigdís væru með sömu hárgreiðsluna.
Halla Hrund Logadóttir
Halla Hrund Logadóttir sagði Vigdísi hafa verið fyrirmynd alla tíð. Þá sagðist hún hafa leitað ráða hjá henni við uppbyggingu á verkefninu Stelpur styðja stelpur. Sagði hún einnig að mynd af Vigdísi í Harvard hafa veitt henni kjark.
Halla Tómasdóttir
Halla Tómasdóttir óskaði Vigdísi til hamingju með daginn. „Held það hafi ekki verið tilviljun að við sem stofnuðum Auði Capital gerðum það óafvitandi (eða ekki?!) á afmælisdegi hennar árið 2007,“ skrifaði Halla meðal annars og birt mynd af sér með Vigdísi.
Jón Gnarr
Jón Gnarr birti mynd af sér í bleikum jakka með Vigdísi. „Til hamingju með fæðingardaginn þinn yndislega Vigdís,“ skrifaði Jón á Instagram.
Katrín Jakobsdóttir
Katrín Jakobsdóttir segist síðast hafa hitt Vigdísi í Loftskeytastöðinni við Suðurgötu á sýningu um ævi og störf Vigdísar. „Hún ber yfirskriftina „Ljáðu mér vængi. Ævi og áhrif Vigdísar Finnbogadóttur“ og ég hvet öll til að heimsækja hana,“ skrifar Katrín og birti mynd af sér og Vigdísi.
Steinunn Ólína Þorsteinsdóttir
Steinunn Ólína Þorsteinsdóttir var 11 ára þegar Vigdís var kjörin forseti Íslands. „Þá sumarnótt, var ég í sveitinni hjá ömmu Línu og þær vinkonurnar, Jóhanna á Arnarhóli og hún, vöktu spenntar yfir sjórnvarpinu. það gerði ég líka því auðvitað fór það ekki fram hjá mér að þetta var merkileg stund,“ skrifaði Steinunn Ólína.
„Þakklátur að hanga í toppsætunum“
Ökuníðingur enn í haldi – „Mildi að ekki fór verr“
„Eigum eftir að sjá miklar sviptingar“
Halla Hrund tekur forystu í könnun
Hægist á eftir mikinn uppgang
11 verða í framboði til embættis forseta Íslands
Verið að búa til „óánægju og kergju“