Schneider höfðar meiðyrðamál

Dan Schneider, fyrrum framleiðandi og handritshöfundur á barnasjónvarpsstöðinni Nickelodean, hefur höfðað meiðyrðamál gegn framleiðendum og aðstandendum heimildaþáttanna Quiet on Set: The Dark Side of Kids TV. Hann segir þættina hafa verið gerða í þeim tilgangi að rústa orðspori hans og arfleið.

Í þáttunum er Schneider meðal annars ásakaður um að hafa sýnt af sér óviðeigandi hegðun gagnvart starfsfólki og barnungum leikurum sjónvarpsþátta á borð við ICarly og Drake and Josh.

Frétt af mbl.is

Biðst afsökunar á hegðun sinni hjá Nickelodeon

Schneider segir heimildaþættina sýna hann í mjög neikvæðu ljósi og að þeir séu uppfullir af staðhæfingum og rógburði sem eiga ekki við rök að styðjast. 

Samkvæmt gögnum sem Page Six hefur undir höndum segir að Schneider hafi ekki haft nokkra vitneskju um misnotkunina sem viðgekkst og að hann hafi fordæmt hana um leið og hún uppgötvaðist.

Schneider, sem starfaði fyrir Nickelodeon á árunum 1993 til 2018, var vikið frá störfum árið 2018 eftir að innanhúss rannsókn leiddi í ljós að hann hefði iðulega hreytt fúkyrðum í starfsmenn. 

Frétt af mbl.is

Sagður hafa barnað Amöndu Bynes

Margir leikarar, sem gerðu garðinn frægan í þáttum á Nickelodean, stigu fram stuttu eftir frumsýningu þáttanna í mars og viðurkenndu að allt væri þetta hreinn og beinn sannleikur.

• Blogga um frétt