Myndskeið: Diddy gekk í skrokk á Ventura

Sean „Diddy“ Combs sést grípa í, ýta, draga og sparka í þáverandi kærustu sína, söngkonuna Cassie Ventura á eftirlitsupptökum í myndskeiði sem fréttastofan CNN hefur undir höndum.

Myndskeiðið sem um ræðir er frá 5. mars 2016 og samanstendur af nokkrum klippum frá mismunandi sjónarhornum úr eftirlitsmyndavélum á InterContinental hótelinu í Los Angeles.

Gekk á eftir Ventura með handklæði um sig miðjan

Á eftirlitsupptökunum sést Diddy ganga á eftir Ventura niður hótelgang klæddur handklæði um mittið. 

Hann grípur í hnakkann á henni þar sem hún staðnæmist fyrir framan lyfturnar, kastar henni í gólfið og sparkar í hana.

Ventura sést liggja hreyfingarlaus á gólfinu þegar Combs snýr sér við og sparkar aftur í hana. Hann dregur hana þarnæst í áttina að hótelherbergi áður en hann gengur í burtu.

Ventura stendur að lokum á fætur og sést þá Combs koma aftur og hrinda henni í jörðina. 

Frétt af mbl.is

Vopnuð húsleit á heimilum Diddy

Hvorug vilja tjá sig

Söng­kon­an höfðaði mál gegn rapp­ar­an­um í fyrra þar sem hún sak­aði hann um nauðgun og lík­am­legt of­beldi.

Ventura og Diddy komust að sam­komu­lagi utan dóm­stóla aðeins degi eft­ir að hún höfðaði málið gegn hon­um.

Ventura vildi ekki tjá sig um málið þegar CNN leitaði eftir því. Sömu sögu má segja um Combs.

Frétt af mbl.is

Tónlistarmaður ásakar Diddy um kynferðisofbeldi

• Blogga um frétt