Lést eftir fall í sturtu
Colin var þekktur bassaleikari og hafði verið búsettur í Belgíu síðustu ár.
Skjáskot/Instagram
Setja bókamerki
Einn stofnenda hljómsveitarinnar Train, bassaleikarinn Charlie Colin, er látinn. Hann var 58 ára gamall.
Colin fannst látinn á heimili ónefnds vinar í Brussel nú á dögunum. Óvíst er hvenær hann lést en bassaleikarinn hafði verið fenginn til að vakta heimilið í nokkra daga. Vinurinn kom að Colin látnum við heimkomu.
Talið er að Colin hafi fallið í sturtu, misst meðvitund og látist af áverkum sínum skömmu síðar en formleg dánarorsök liggur ekki fyrir.
Colin yfirgaf Train árið 2003 í kjölfar langrar baráttu við fíkniefni. Hljómsveitin er þekkt fyrir smelli á borð við Drops of Jupiter, Play That Song, Hey, Soul Sister og 50 Ways to Say Goodbye.
Liðsmenn sveitarinnar minntust félaga síns á Instagram í gærdag.
Fjöldi tungumála áskorun
/frimg/1/50/63/1506351.jpg)
Halla fær rafbíl á sérdíl
Umboðsmaður barna krefur ráðherra um svör
Myndband: Hnúfubakar komu fjölskyldu á bát á óvart
Kennir að vera Íslendingur í þúsundasta skipti
Lögregla handtók mann sem reyndist eftirlýstur
Kerfið féll á prófinu