Fyrstu myndir af Vilhjálmi Bretaprins, Katrínu prinsessu og Karli Bretakonungi benda til þess að þau ætli að ekki að láta fjölmiðlafárið í kringum Harry Bretaprins á sig fá. Þau sneru aftur til vinnu í dag eftir nokkurt hlé.

Vilhjálmur og Katrín opnuðu nýjan spítala í Liverpool. Hjónin virtust glaðleg og vinkuðu til almennings. Aðdáendur söfnuðust saman og fögnuðu þeim ákaft. 

Karl III. kóngur var hins vegar í Skotlandi að heimsækja góðgerðastofnanir. Hann var léttur í bragði og gantaðist með fólkinu. 

Öllum var vel tekið en nýlegar kannanir gefa til kynna að vinsældir Harrys séu í sögulegu lágmarki í Bretlandi og að hann sé í augnablikinu jafnvel óvinsælli en Andrés Bretaprins.

Ímynd Vilhjálms prins hefur beðið hnekki eftir útkomu bókar bróður hans Harry prins. Harry hefur lýst honum sem mjög skapstórum einstaklingi og fjallar meðal annars um hvernig Vilhjálmur hrinti honum um koll þannig að hann slasaðist á baki. Þessar sögur virðast samt ekki ætla að hafa áhrif á vinsældir konungsfjölskyldunnar til langs tíma litið.

Frétt af mbl.is

Eldfimum köflum úr bók Harrys lekið

Katrín vinkaði almenningi glöð í bragði. AFP

Hjónin voru glæsileg að venju og klæddust í stíl. AFP

Vilhjálmur lætur ekki slá sig út af laginu. AFP

Karl III. Bretlakonungur var í Aberdeenshire, Skotlandi og vakti mikla kátínu. AFP

Karl átti góðar stundir í Skotlandi. AFP

Karl kóngur var í skotapilsi. AFP