Lögmaðurinn Sveinn Andri Sveinsson varð 60 ára 12. ágúst. Hann fagnaði afmælinu með börnum, tengdabörnum og barnabarni og nýrri kærustu.

Hún heitir Anna María Hákonardóttir og lærði læknisfræði í Ungverjalandi. Hún útskrifaðist sem læknir 2017. Sumarið 2022 skilaði hún inn starfsleyfi sínu vegna veikinda. Hún er fædd 1988 og því er 25 ára aldursmunur á parinu. 

Sveinn Andri birti glæsilega mynd af sér, Önnu Maríu og barnahópnum á félagsmiðlinum Facebook þar sem allir voru sólbrúnir og sællegir í hvítum fötum.

Smartland óskar Sveini Andra til hamingju með 60 árin og nýju ástina.