Bergrún Íris Sævarsdóttir rithöfundur og Kolbrún Ósk Skaftadóttir bókastjóri bókaútgáfunnar Bókabeitunnar eru yfir sig ástfangnar. Það má vel segja að vinnan hafi leitt þær saman en Kolbrún er bókastjóri í bókaútgáfunni sem gefur bækur Bergrúnar Írisar út en hún er bæði rithöfundur og myndskreytir. 

Bergrún Írisi og fyrri eiginmaður hennar skildu í byrjun sumars. Í vetur kviknaði ástin á milli Bergrúnar og Kolbrúnar. Þá voru þær báðar fráskildar en Kolbrún Ósk skildi í byrjun ársins.  

Bergrún hefur ekki farið leynt með tvíkynhneigð sína og endurspegla bækur hennar gjarnan fjölbreytt litróf hinseginleikans. Bók hennar, Kennarinn sem sneri aftur, var valin ungmennabók ársins 2023 af Morgunblaðinu en bókin tekur einmitt á hinsegin málefnum.

Frétt af mbl.is

„Það var eins og ég væri með vanstillt útvarp inni í mér“

Bergrún og Kolbrún vörðu jólunum saman í faðmi hvor annarrar.

Samkvæmt heimildum Smartlands er parið verulega hamingjusamt saman og því ekkert annað í stöðunni en að óska þeim til hamingju með ástina! 

Kolbrún vinnur í bókaútgáfunni sem gefur Bergrúnu Írisi út.