Hafdís Björg Kristjánsdóttir einkaþjálfari komst í fréttir á dögunum þegar Smartland sagði frá því að hún hefði hafið ástarsamband við Kristján Einar Sigurbjörnsson sjómann og áhrifavald. Kristján Einar, eða Kleini eins og hann er kallaður, skaust upp á stjörnuhimininn þegar hann hóf áhrifavaldaferil og fór í framhaldinu að vera með Svölu Björgvinsdóttur. Það samband endaði snögglega þegar hann var handtekinn á Spáni í mars í fyrra.

Frétt af mbl.is

Hafdís og Kristján Einar nýtt par

Samband Hafdísar og Kleina var stormasamt fyrstu vikurnar. Þau hættu og byrjuðu saman en nú virðist ástin vera komin til að vera. Í vikunni var Hafdís lögð inn á spítala og var Kleini til staðar fyrir hana allan tímann og gætti þess að hún næði bata sem fyrst.

Hafdís hefur nú búið til TikTok-myndband þar sem hún kortleggur fjölmiðlaumfjöllun um einkalíf sitt.