Það hefur sjaldan verið eins mikið fjör á veitinga- og skemmtistaðnum Önnu Jónu í Tryggvagötu eins og í gær þegar Haraldur Þorleifsson, eigandi staðarins, bauð upp á teiti. Teitið var haldið til að kynna ýmsar breytingar á staðnum eins og nýjan smáréttamatseðill, helgarbröns og Happy Hour. Með þessu er verið að færa Önnu Jónu frá kökum og kaffi og yfir í búbblur á góðu verði. 

„Stefnan hefur verið sett á að búa til gleðistað þar sem góðar og hressar vinkonur, og vinir hittast og skemmta sér,“ segir Haraldur sem hefur ráðið Margréti Erlu Maack sem fjörmálastjóra staðarins. 

Hekla Elísabet uppistandari kom fram í teitinu og svo stigu GDRN, Ragga Gísla og Ásdís á stokk og stilltu stuðið í botn. Eins og sjá má á meðfylgjandi myndum var fullt út úr dyrum. Svo fullt að flamingóinn sem vafraði um staðinn þurfti að hafa sig allan við til að halda jafnvægi í mannhafinu. 

Hægt er fá nánari tilfinningu fyrir stemningunni á Instagram-reikningi Smartlands: