Hönnunarverðlaun Íslands fóru fram í Grósku á dögunum. Þetta er tíunda árið í röð sem verðlaunin fara fram og því tilefni var flokkum fjölgað og verðlaunin stækkuð. Sunnefa Gunnarsdóttir arkitekt og Logi Pedro vöruhönnuður voru kynnar kvöldsins. 

Edda, hús íslenskunnar eftir Hornsteina arkitekta er sigurvegari í flokknum Staður á Hönnunarverðlaunum Íslands 2023 fyrir einkennandi og áhrifamikil bygging sem sameinar varðveislu og aðgengi almennings að íslenskum menningarverðmætum til framtíðar. 

Loftpúðinn eftir Fléttu fyrir FÓLK Reykjavík var sigurvegari í flokknum Vara á Hönnunarverðlaunum Íslands 2023. 

Pítsustund eftir Fléttu og Ýrúrarí sigraði í flokknum Verk á Hönnunarverðlaunum Íslands 2023. 

Angústúra bókaforlag hlaut viðurkenningu fyrir bestu fjárfestingu í hönnun á Hönnunarverðlaunum Íslands 2023 en bókaforlagið hefur frá upphafi átt í samstarfi við leiðandi hönnuði og átt sinn þátt í skrásetningu á hönnunarsögu landsins. 

Heiðursverðlaunahafi Hönnunarverðlauna Íslands 2023 er Sigrún Guðjónsdóttir „Rúna” fyrir framlag sitt til leirlistar og brautryðjendastarf á því sviði hér á landi.