Hendrikka Waage, listakona og skartgripahönnuður, var með stórskemmtilega og litríka „pop up“ sýningu í Hannesarholti síðastliðna helgi. Margt var um manninn og nutu gestir fallegra myndverka og ljúfra tóna. Sýning Hendrikku bar nafnið Valkostir Samtímans og var tónlistin í höndum Guðjóns Böðvarssonar.

Á undanförnum árum hefur Hendrikka fengist við skartgripahönnun og myndlist sem endurspeglar upplifanir hennar af ólíkum menningarheimum, en hún hefur búið í nokkrum löndum í gegnum tíðina. Í verkum sínum skyggnist Hendrikka inn í nútíðina og veltir fyrir sér hvernig heimurinn muni þróast í framtíðinni.