Greipur Hjaltason, uppistandari og TikTok-stjarna, birti á dögunum myndskeið þar sem hann sést leika listir sínar með körfubolta á velli á höfuðborgarsvæðinu.

Eins og sést í myndskeiðinu þá hefur Greip tekist að hitta bolta í körfuna úr mikilli fjarlægð á meistaralegan hátt, bæði með því að kasta og sparka körfuboltanum.

Greipur, sem vann Íslandsmeistaratitilinn í uppistandi árið 2020, hefur hlotið mikla athygli fyrir myndskeiðið en tæplega 27.000 manns hafa þegar líkað við færsluna. Margir í athugasemdarkerfinu eru undrandi yfir því hvernig hann fer að þessu enda ótrúleg skot.