Róbert Freyr Samaniego, stofnandi og eigandi vörumerkisins Done, hefur vakið mikla athygli á TikTok frá því hann byrjaði að auglýsa nýjan íslenskan próteindrykk á miðlinum sem hann setti á markað í október síðastliðnum.

Frétt af mbl.is

27 ára athafnamaður kominn með eigin próteindrykk

Frétt af mbl.is

Heilbrigður lífsstíll lykillinn að góðri húð

Á dögunum deildi hann heldur persónulegra myndbandi á reikningi Done þar sem hann gaf fylgjendum innsýn í sitt daglega líf. 

Byrjar daginn á kaffibolla og Morgunblaðinu

Róbert byrjar alla morgna á að fá sér cappuccino, en á meðan hann nýtur kaffibollans les hann að sjálfsögðu Morgunblaðið. Að því loknu kemur hann sér út í daginn, en þennan dag fór hann meðal annars í útvarpsviðtal, sótti vörur, gaf áhrifavöldum vörur, mætti í ræktina, sótti sér kjöt og dýran pipar, smakkaði sardínur, eldaði angus rib-eye steik og fékk sér rauðvín með og endaði svo daginn á fundi með erlendum aðilum.