YouTube-stjarnan Jessica Pettway er látin aðeins 36 ára að aldri. Hún lést í byrjun síðustu viku eftir rúmlega eins árs baráttu við leghálskrabbamein.

Systir áhrifavaldsins, Reyni Brown, greindi frá andlátinu á Instagram á föstudag. „Ég á afmæli í dag. Ég á ekki nema eina afmælisósk og ósk mín er sú, að Guð sendi þig aftur til jarðar,” skrifaði Brown þann 15. mars síðastliðinn, aðeins tveimur dögum eftir andlátið.

Pettway greindi frá krabbameinsgreiningunni í júlí en hún greindist í febrúar. Í fyrstu var hún ranggreind með góðkynja æxli en stuttu síðar kom í ljós að hún væri að glíma við þriðja stigs leghálskrabbamein.

Pettway lætur eftir sig eiginmann og tvær ungar dætur.