Margar af skærustu stjörnum kvikmyndageirans kölluðu eftir tafarlausu vopnahléi á Gaza þegar þær mættu á Óskarsverðlaunahátíðina aðfaranótt mánudags. Billie Eilish, Mark Ruffalo, Ava DuVernay og Mahersahala Ali voru meðal þeirra sem gengu rauða dregilinn með rauða nælu.

Nælan var sérstaklega útbúin af samtökunum Artist4Ceasefire og gerð í þeim tilgangi að hvetja til friðar ásamt því að vekja athygli á og mótmæla stríðinu á Gaza. Nælan er rauð og sýnir hendi með svörtu hjarta í miðju hennar.

Í síðustu viku voru fimm mánuðir liðnir frá því að Hamas-liðar réðust á íbúa Ísraels og her Ísraels hóf hernaðaraðgerðir á Gaza landsvæðinu. Yfir 30 þúsund manns hafa látið lífið í átökunum.

Leikarinn Mark Ruffalo ásamt eiginkonu sinni, Sunrise Coigney. AFP

Billie Eilish og Finneas með Óskarsstytturnar sínar. AFP

Leikarinn Mahershala Ali veitti verðlaun á Óskarsverðlaunahátíðinni. AFP

Leikstjórinn Ava DuVernay bar næluna með stolti. JC OLIVERA