Sara Davíðsdóttir, einkaþjálfari og samfélagsmiðlastjarna, miðlaði þekkingu sinni á sviði heilbrigði, hreysti og heilsubreytinga með fylgjendum sínum á samfélagsmiðlinum TikTok í gærdag. Sara er iðin við að deila skotheldum heilsu- og næringarráðum með fylgjendum sínum, en yfir 6500 manns fylgja henni á vídeómiðlinum. 

Í gærdag fór hún yfir þau fimm heilsuráð sem hún segist hafa lært tíu árum of seint: 

1. Jó-jó mataræði (e. yo-yo dieting) eða þessi allt eða ekkert hugsunarháttur gæti verið aðalástæðan fyrir því að þú sérð aldrei árangur.
2. Fjölbreytni í líkamsrækt er af hinu góða.
3. Það er ekki nóg að æfa alla daga til þess að sjá árangur.
4. Þú getur tekið mataræðið í gegn og borðað það sem þig langar í.
5. Elskaðu ferlið, litlu skrefin og vegferðina að markmiðinu.