Áhrifavaldurinn og fyrrverandi fegurðardrottningin Tinna Alavis eignaðist son í október síðastliðnum. Um helgina héldu Tinna og kærasti hennar Unnar Bergþórsson fallega veislu í Húsafelli þar sem drengurinn var skírður. 

Drengurinn er annað barn Tinnu og Unnars, en fyrir eiga þau dótturina Ísabellu Birtu sem verður tíu ára á árinu. 

Frétt af mbl.is

Tinna Alavis eignaðist son

Tinna deildi fallegum myndum frá deginum á Instagram-síðu sinni. Þar sagði hún frá því að drengurinn hafi fengið nafnið Arnar Máni og að Ísabella hafi haldið á litla bróður sínum undir skírn og sungið fallegt lag til hans í kirkjunni. 

Tinna hefur gert það gott sem bloggari á síðustu árum en hún varð fyrst þekkt þegar hún hafnaði í öðru sæti í Ungfrú Ísland árið 2003. Unnar er hótelstjóri á Hótel Húsafelli.

Fjölskylduvefur mbl.is óskar fjölskyldunni innilega til hamingju með nafnið!