Nýtt þrívíddarlíkan af gossvæðinu við Sundhnúkagíga hefur verið birt. Þar sést vel umfang hraunsins sem hefur runnið úr eldgosinu.

Frétt af mbl.is

Orðið víðfeðmara en hin gosin á Reykjanesskaga

Líkanið var unnið af myndmælingateymi Náttúrufræðistofnunar Íslands og Landmælinga Íslands, í samstarfi við almannavarnir og Háskóla Íslands, að því er segir á facebooksíðu Náttúrufræðistofnunar.

Myndirnar sem líkanið er unnið eftir voru teknar úr flugvél upp úr kl. 13 á mánudaginn.

Flat­ar­mál hraun­breiðunn­ar mælist 6,14 fer­kíló­metr­ar. Eld­gosið er því orðið víðfeðmara en fyrri gos­in sex á Reykja­nesskaga.

Frétt af mbl.is

Gígurinn virðist hjartalaga á nýrri 360 gráða mynd

Virðist hafa dregið úr virkninni

Virknin í eldgosinu virðist vera mun minni en á sama tíma í gær. Þetta segir Bjarki Kaldalóns Friis, náttúruvársérfræðingur hjá Veðurstofu Íslands, spurður út í stöðu mála í morgun.

Frétt af mbl.is

Dregur úr gosinu, kvikusöfnun undir Svartsengi

Hann segir að það eigi þó eftir að koma betur í ljós hvort dregið hafi úr virkninni.

Hraunið úr gosinu rennur suður og fer ekki langt. Landris er enn í gangi en lítil skjálftavirkni hefur verið við kvikuganginn undir Svartsengi.