Sonur Birgittu Lífar Björnsdóttur, samfélagsmiðlastjörnu og markaðsstjóra World Class, og Enoks Jónssonar var skírður um síðastliðna helgi. Drengurinn er fyrsta barn parsins saman og kom í heiminn þann 8. febrúar síðastliðinn.

Frétt af mbl.is

Birgitta Líf og Enok eignuðust lítinn vatnsbera

Um helgina var hann skírður í Fríkirkjunni í Hafnarfirði, en Birgitta Líf og Enok birtu fallegar myndir frá deginum á Instagram í gær ásamt því að tilkynna að sonur þeirra hefði verið skírður Birnir Boði.

Birgitta Líf er þekkt fyrir að vera með puttann á púlsinum þegar kemur að tískustraumum og því ætti ekki að koma á óvart að drengurinn hafi fengið mesta tískunafnið í dag, en Birnir var vinsælasta fyrsta eiginnafn meðal nýfæddra drengja árið 2023.

Frétt af mbl.is

Þetta voru vinsælustu barnanöfnin 2023

Fjölskylduvefur mbl.is óskar þeim innilega til hamingju!