Antony Blinken, utanríkisráðherra Bandaríkjanna, er kominn til Úkraínu þar sem hann mun fullvissa heimamenn um áframhaldandi stuðning Bandaríkjanna við landið og fleiri vopnasendingar. 

Á sama tíma sækja rússneskar hersveitir fram í norðausturhluta Úkraínu og eru þær komnar inn í landamærabæinn Vovchansk, skammt frá næststærstu borg landsins, Karkív. 

Frétt af mbl.is

Rússar herða sókn í Úkraínu

Ekki hafði verið tilkynnt opinberlega um heimsókn Blinkens. Hann kom til Úkraínu með lest frá Póllandi og mun á meðan á heimsókninni stendur funda með Volodimír Selenskí Úkraínuforseta.

Selenskí Úkraínuforseti flytur ræðu í síðustu viku. AFP

Þetta verður fjórða heimsókn Blinkens til Úkraínu síðan Rússar réðust inn í landið í febrúar árið 2022.

Nokkrar vikur eru liðnar síðan Bandaríkjaþing samþykkti eftir miklar vangaveltur 61 milljarðs dollara hernaðaraðstoð fyrir Úkraínu.

Frétt af mbl.is

Hernaðaraðstoð samþykkt – Vopnasendingar í vikunni

Selenskí segist hafa sent hersveitir til aðstoðar í Karkív. Þúsundir almennra borgara hafa þurft að yfirgefa svæðið.