Obama segir að útrýma verði byssuofbeldi

Barack Obama er frá illinois
Barack Obama er frá illinois AP

Öldungadeildarþingmaðurinn Barack Obama, sem sækist eftir tilnefningu bandaríska demókrataflokkssins sem forsetaframbjóðandi, segir að gera verði „hvað sem þarf" til að útrýma byssuofbeldi í landinu. 

Obama, sem er frá Illinois, hefur boðist til að aðstoða N-Illinois háskólann við rannsókn á skotárás við skólann í gær sem varð sex manns að bana.

Obama er fyrrverandi kennari í stjórnarskrárlögum, hann segir að þótt stjórnarskrá Bandaríkjanna veiti einstaklingum leyfi til að eiga vopn, þá lúti slík eign reglugerðum á borð við að kanna feril manna áður en þeir kaupa vopn.

mbl.is