Ver bann við blæjum

Michele Alliot-Marie, til vinstri, segir bann við blæjum nauðsynlegt til ...
Michele Alliot-Marie, til vinstri, segir bann við blæjum nauðsynlegt til að múslímakonur samlagist frönsku samfélagi. BENOIT TESSIER

Franski dómsmálaráðherrann Michele Alliot-Marie segir bann við því, að múslimakonur hylji sig algjörlega með blæju á opinberum vettvangi, vera nauðsynlegt friðsamlegu samlífi í Frakklandi og til að múslimskar konur geti samlagast frönsku samfélagi.

Ríkisstjórn Nicolas Sarkozy sagði í síðustu viku að slíku banni yrði hrint í framkvæmd og myndi gilda jafnt fyrir fyrir múslímska ferðamenn sem íbúa Frakklands.

„Fyrsta grundvallarregla hins franska ríkis er trúfrelsi, virðing fyrir öllum trúarbrögðum og viðurkenning á frelsi allra til að iðka sína trú,“ segir ráðherrann í samtalið við AFP-fréttaveituna. „En hafa verður í huga að í Kóraninum er hvergi kveðið á um að konur hylji sig algjörlega -- eins og hátt settir múslímskir leiðtogar hafa reglulega ítrekað.“

Önnur grundvallarregla hins franska ríkis segir Alliot-Marie vera höfnun á  hvers kyns samfélagshyggju. „Lögin koma eins fram við alla og það er það sem eining lýðveldisins byggir á.“

Alliot-Marie hafnar því að bannið brjóti gegn mannréttindum múslímskra kvenna. Segir hún því einmitt vera ætlað að vernda réttindi þeirra og hjálpa þeim að laga sig að og taka þátt í hinu veraldlega franska samfélagi. Mikilvægt sé að koma í veg fyrir að eiginmenn múslímskra kvenna komi í veg fyrir að þær samlagist.
mbl.is

Bloggað um fréttina

Ertu komin í saumaskap ?
Nýjar og notaðar saumavélar í úrvali. Nýjar vélar með 3 ára ábyrgð. Notaðar véla...
Bækur um ættfræði, byggðasögu og ýmsan fróðleik til sölu
Til sölu nokkur grundavallarrit ættfræðinnar ásamt ritum um atvinnu- og byggðasö...
4949 skart hálfesti og armband
Er með nokkrar hálsfestar og armbönd úr 4949 línunni til sölu hægt að skoða inná...