Minnst 15 borgarar létust í árás

Bandarískur landgönguliði í Afganistan.
Bandarískur landgönguliði í Afganistan. AFP

Óttast er að minnst 15 óbreyttir borgarar hafi látið lífið í loftárás Atlantshafsbandalagsins NATO í Logar-héraði suður af borginni Kabúl í Afganistan. Óljósar fregnir hafa borist um mannfallið en talið er að konur og börn séu meðal þeirra látnu.

Haft er eftir talsmönnum NATO að „fjölmennt lið uppreisnarmanna“ hafi fallið í árásinni sem gerð var á íbúðarhús í héraðinu. Það voru hermenn fjölþjóðaliðs NATO á jörðu niðri sem óskuðu eftir loftárásinni en talið er skotið hafi verið á herliðið úr húsinu.

AFP fréttaveitan hefur það eftir talsmanni lögreglu að 18 óbreyttir borgarar, konur og börn, hafi fallið í árásinni auk sjö uppreisnarmanna úr röðum talibana.

Fréttamaður AFP á svæðinu telur sig hafa séð lík minnst 15 fórnarlamba loftárásarinnar. Í hópnum voru fjögur börn.

Talsmaður NATO segir að tvær konur hafi verið fluttar særðar á hersjúkrahús til aðhlynningar en ekki er talið að þær séu alvarlega slasaðar.

Þá mun nokkurt magn skotvopna auk sprengiefnis hafa fundist á svæðinu og hefur það verið gert upptækt.

mbl.is

Bloggað um fréttina

Bílskúrshurðaopnari með fjarstýringu.
Til sölu hurða opnari fyrir bílskúr . tegund: BERNAL Typ:BA 1000 ,þískur. 12...
Eldvarnir
Eldvörn eða brunavörn burðarvirkja úr stáli og timbri. Brunaþéttingar og Brunah...