Að minnsta kosti 31 flóttamaður drukknaði er bát hvolfdi undan ströndum Líbíu í dag. Fólkið var að reyna að komast yfir Miðjarðarhafið ásamt öðrum bát. Börn eru meðal hinna látnu.
Um sextíu var bjargað úr sjónum og um 140 sem voru í hinum bátnum voru einnig færðir yfir í björgunarskip og þaðan aftur til Líbíu. Fólkið er m.a. frá Sómalíu og Eþíópíu.
Veður hefur verið milt á þessum slóðum undanfarið og því freista þess margir að flýja frá Afríku og yfir Miðjarðarhafið í leit að betra lífi í Evrópu.
Um 250 manns var bjargað frá drukknun á svipuðum slóðum á fimmtudag.